ഒരു സ്വപ്നത്തിന്‍ വെളിപാടില്
ഇരുട്ടിന്‍ പടിപ്പുര തുറന്നടച്ച്‌
താരങ്ങളായിരം നോക്കി നില്‍ക്കെ
ഇരുപുറവുമറിയതമ്മയ്ക്ക്‌-
യാത്രചൊല്ലാതുണ്ണിക്കുമ്മ നല്‍കാതെ
പരിണാമ യഥാര്‍ത്ഥ്യം തേടി
പതറും മനസ്സിന്‍ ചിത്തത തേടി
ഇരുട്ടിന്‍ പടിപ്പുര തുറന്നടച്ച്‌
അംബരം മുട്ടെയക്ഷോഭ്യനായ്‌
അജ്ഞാതശക്തിയിലചഞ്ചലനായ്‌
അജ്ഞതയില്ലാതധോമുഖനായ്‌
ഇരുട്ടിന്‍ പടിപ്പുര തുറന്നടച്ച്‌
ഒരു സ്വപ്നത്തിന്‍ വെളിപാടില്
ബോധിസാലത്തണലില്‍ മൂകമായ്‌
പാതിയടഞ്ഞ മിഴികളില്
ശോണിമയൊരാവരണമാ-
യണിഞ്ഞൊരു യോഗിയായ്‌
ധ്യാനത്തിലേക്കൂര്‍ന്നു പോയ്‌ഞാ-
നൊരുനവയുഗ ജീവകന്‍!
വളരെ അര്‍ത്ഥവത്തായ കവിത....ശരിക്കും ഇഷ്ടമായി....
ReplyDelete